🧡好友也像拍拖 難得會拍一世🖤
一年班一齊入CHOIR
五年班開始同班熟絡
六年班一齊去英國遊學團
中三去紐西蘭澳洲CHOIR比賽
俾老師分配為二人一組嘅’BUDDY’之後
開始互相稱呼做BUDBUD到今時今日
.
五年前家正 @kajengwong 邀請我返嚟香港唱女聲合唱
因為太趕嘅關係叫我拖馬
跟住我call咗七條馬女🤣
.
最 後 只 有 游 游 一 個
同我唱足五年 唱足咁多個production
.
中間經過左好多年我唔喺香港嘅日子
但無停過聯絡 感情重來冇變淡
我無業咁出去遊蕩
你一畢業之後就搵到好好嘅工作
一路都以行動默默咁鼓勵我進步
所以一路都好look up to you
因為你係我最叻最有能力好有目標嘅朋友❤️
.
性格太好又穩定嘅你喺我脆弱嘅時候幫我打過無數支強心針
（當然仲有經常借你強勁嘅臂彎比我挨）
諗諗吓
依個樂觀嘅家姐重來都無同我講過令你特別煩惱嘅事
永遠都只係用心聽我傾訴
慚愧。
睇嚟我上輩子修到嘅福份就換到有你一直留喺我身邊❤️
.
.
加插一段無乜同人講過嘅事：
中一想參加校際音樂節嘅二重唱比賽
當時我同依家一樣唱S2(第二聲部)
足足三次搵過三個唔同嘅S1（高聲部）同學同我audition
老師每次都話把聲夾唔到
試音失敗
（當時我覺得肯定係我唱得太差，唔關夾唔夾事）
我唔忿氣想試最後一次
就搵一個唱低音嘅游游夾諗住呢次唔得就算啦
點知唱咗一小段就pass
.
老師恭喜我 ： You found the one.
.
從此我哋每年就拖住手一齊奮戰❤️
.
雖然今次係最終章
但係如過第時有《婦女的祈禱》
我一定會再次逼你同我唱😎
.
感恩有你一齊成長❤️
.
.
.
#陳輝陽x女聲合唱作品音樂會
Search